Y diweddara...

Dosbarthiadau meistr y diwydiant am ddim ac ar agor i bawb yma

Yn galw myfyrwyr - cofrestrwch efo'r cynllun lleoliadau yma

Cyrsiau byrion i'r diwydiant ynghyd a CULT Cymru yma

Bwrsariau astudio:

Eisiau astudio am radd MA Ffilm neu Animeiddio ...ond yn brin o arian?

Os hoffech chi ddatblygu'ch cariad at wneud ffilmiau neu animeiddio a manteisio ar ychydig o gefnogaeth ariannol, mae Academi Sgrin Cymru Skillset yn cynnig ysgoloriaethau ôl-radd gwerth hyd at £10,000 ar gyfer y cyrsiau canlynol:
• MA Ffilm
• MA Animeiddio
• MA Animeiddio Cyfrifiadurol 3D
• MA Cynhyrchu ffilm a rheoli busnes
• MA Delwedd Symudol

Mae Academi Sgrin Cymru Skillset hefyd yn cynnig:

Graddau Meistr mewn Ffilm ac Animeiddio – gyda manteision ychwanegol!

Dyddiad cau ar gyfer ceisiadau 20 Awst 2009, cyrsiau i ddechrau ym mis Medi 2009. Dyddiad cau ar gyfer cyrsiau yn dechrau mis Ionawr 2010 yw Tachwedd 20fed 2009.
I gael mwy o wybodaeth am yr ysgoloriaethau, cymhwysedd a'r broses o wneud cais, ewch i BWRSARIAU neu cysylltwch a Hannah Raybould.

CEFNDIR

Mae Academi Sgrin Cymru Skillset yn ganolfan newydd sydd yn canolbwyntio ar hyfforddiant ac addysg lefel uchel ar gyfer y diwydiant ffilm. Mae'n darparu cyrsiau israddedig ac ôl-radd mewn wyth maes llafur allweddol. Rydym yn aelod o Rhwydwaith Academiau Sgrin Skillset™.

Mae'r cyrsiau hyn yn cynnig rhaglenni addysg blaengar sydd wedi'u strwythuro yn ôl anghenion diwydiant ffilm Prydain, ac mae yna lwybr clir o'r cyrsiau hyn i fyd gwaith yn y sector.

Mae'r Academi yn bartneriaeth rhwng dwy o brif ganolfannau addysg ffilm Cymru, ac mae'n dod â chanolfannau allweddol eraill ynghyd i ddarparu rhaglen heb ei hail o hyfforddiant galwedigaethol ac addysg. Mae'r Academi Sgrin yn cyfrannu i ddatblygiad diwylliannol, cymdeithasol ac economaidd sector ffilm Prydain ac yn ceisio sicrhau y bydd y diwydiant yn gallu cystadlu'n well ar raddfa fyd-eang trwy gynnig cyrsiau galwedigaethol a chyrsiau gradd a fydd yn denu amrywiaeth eang o fyfyrwyr.

Mae'r Academi yn sicrhau bod y ddarpariaeth yn ymwneud yn agos â realiti'r diwydiant ffilm trwy gynnwys yn y modiwlau craidd wybodaeth angenrheidiol am y modd y mae'r diwydiant yn gweithio ac fe ategir hyn gan amrywiaeth o gyfleoedd i gael profiad ymarferol, gwasanaeth mentora a chynllun datblygiad proffesiynol. Gan fanteisio ar arbenigedd ym maes addysgu ar-lein, mae'r Academi yn defnyddio'r dechnoleg ddiweddaraf i wneud yn siŵr bod y myfyrwyr yn cael datblygu eu sgiliau i'r eithaf. Mae'r Academi hefyd yn rhoi cymorth i fyfyrwyr gymryd eu camau cyntaf yn y diwydiant trwy drefnu profiad gwaith a phrofiad ymarferol. Mae hybu diwylliant o amrywiaeth ddiwylliannol hefyd wrth galon gweithgarwch yr Academi, ac mae nifer o grantiau a gweithgareddau 'estyn allan' yn ategu'r egwyddor yma.

Yn ystod dwy flynedd cyntaf y prosiect (2005-2007) fe fydd Academi Sgrin Cymru Skillset yn buddsoddi £1.3 miliwn mewn mentrau hyfforddiant ffilm, cynlluniau mentora i fyfyrwyr, cyfleoedd ymarferol, adnoddau dysgu blaengar ac ysgol haf. Caiff grantiau sylweddol eu cynnig i annog pobl o gefndiroedd amrywiol i astudio yn sefydliadau'r Academi, i fynychu gwyliau ffilm ac i gynhyrchu gweithiau enghreifftiol o safon uchel.

I gael eich rhoi ar ein rhestr bostio cysylltwch a ni yma.

I lawrlwytho ein pamffled wybodaeth newydd cliciwch isod:

Pamffled Cymraeg